Chopqir chumolilar o‘zlari bosib o‘tgan masofani ichki qadam o‘lchagich yordamisiz, faqat ko‘zga tayangan holda baholay oladi. Bunday xulosaga Germaniyaning Ulm universiteti Neyrobiologiya instituti olimlari keldi, deb yozadi “Gazeta.ru”.
Afrika cho‘l va dashtlarida yashaydigan chopqir chumolilar hayratlanarli navigatsiya qobiliyatiga ega bo‘lib, bosib o‘tilgan masofani aniqlash va harakat trayektoriyasini aniq hisoblash uchun integratsiyadan foydalanadi. Bu ularga cho‘lda uzoq vaqt ozuqa qidirib yurgach, inga doim eng qisqa yo‘l bilan qaytishda yordam beradi.
Olimlar furajir (oziq-ovqat tayyorlovchi) chumolilardan foydalanib, tadqiqot o‘tkazdi. Furajir chumolilar ko‘pincha ishchi chumolilarni bitta oilaning bir nechta inlari o‘rtasida ko‘tarib olib yuradi. Ishchi chumolilar bunday tashish paytida faqat ko‘zga tayansa-da, doim ortga yo‘l topa oladi. Ammo agar tashilayotgan chumolilarning ko‘zlari ortga qaytish vaqtida biron narsa bilan to‘sib qo‘yilsa, ular start nuqtasiga qaytib borish uchun avval qabul qilingan vizual axborotni qadamlar soniga aylantira olmagan.
Ushbu ma’lumotlar chopqir chumolilardagi masofani baholovchi qadam o‘lchagich va ko‘z tizimi bir-biriga bog‘liq emasligini va mustaqil tarzda ishlab, bir-birining funksiyalarini takrorlashini ko‘rsatadi.
Izoh (0)