Florida shtatidan saylangan respublikachi kongressmen Devid Jolli Kongress vakillar palatasi yig‘ilishiga Zika virusini tarqatuvchi chivin to‘la shisha idish bilan keldi. Shu tariqa u hamkasblarini virusga qarshi kurash uchun mablag‘ ajratilishiga to‘sqinlik qilayotgan partiyalararo kelishmovchiliklarni bartaraf etishga ko‘ndirmoqchi bo‘ldi. Bu haqda “TASS” xabar bermoqda.
“Bu yerga Floridadan Zika virusini tarqatishga qodir yuzlab chivinlarni olib keldim. Ular kechiktirib bo‘lmas harakatlar va Florida aholisi qo‘rquvi sababidir. Biz esa behuda vaqt yo‘qotyapmiz”, — deya ta’kidladi Jolli.
Florida hududida Zika virusi tarqalayotgan AQShdagi yagona shtat bo‘lib qolmoqda. Hozirda bu yerda kasallik yuqtirilishi bilan bog‘liq 56 holat qayd etilgan.
Shifokorlar va ekspertlar virusga qarshi kurash uchun mablag‘ yetishmovchiligidan xavotir bildirmoqda. Kongressda esa respublikachilar va demokratlar o‘rtasida moliyalashtirish hajmi hamda manbalari yuzasidan ashaddiy bahslar davom etmoqda.
Izoh (0)