Britaniyalik yozuvchi Joan Rouling Garri Potter olami haqidagi hikoyalarni o‘z ichiga oluvchi uchta kitobni taqdim etdi, deb yozadi “Korrespondent.net”. Yangi asarlar ushbu sehrli dunyoning shu paytgacha ma’lum bo‘lmagan tafsilotlarini bayon qiladi.
“Kuch, siyosat va xira poltergeystlar” (Power, Politics And Pesky Poltergeists) kitobi yovuz o‘qituvchi Dolores Ambrij haqida hikoya qiladi hamda yosh Tom Reddl (bo‘lajak Volan-de-Mort) Xogvartsda o‘qiyotgan vaqtda Goratsiy Sliznort bilan qanday bog‘liqligi bo‘lganini oydinlashtiradi. Shuningdek, “siyosiy” kitob Jodugarlik vazirligi va Azkabanning tuzilishini fosh qiladi.
Qolgan ikkita kitob — “Qahramonlik, qiyinchiliklar va xavfli xobbilar” (Heroism, Hardship and Dangerous Hobbies) hamda “Xogvarts: noto‘liq va ishonchsiz yo‘riqnoma” (Hogwarts: An Incomplete and Unreliable Guide) ham muxlislar uchun qiziq bo‘ladi. Ularning birinchisi o‘qituvchilar — Minerva Makgonagall va Rimus Lyupin haqida hikoya qiladi, ikkinchisi esa sehrgarlik maktabi haqida yangi ma’lumotlarni taqdim etadi.
Yangi asarlar elektron kitob ko‘rinishida 2,99 yevrodan sotilmoqda.
Izoh (0)