KXDR tomonidan fitnalarning davom ettirilishi xalqaro hamjamiyat tomonidan bosim kuchaytirilishi va mamlakatning yakkalanib qolishiga olib keladi. Bu haqda AQSh prezidenti Barak Obama Janubiy Koreya prezidenti Pak Kin Xe bilan Laosda o‘tkazgan muzokaralari yakuni bo‘yicha ma’lum qildi, deya xabar beradi “TASS”.
“Biroq ular (KXDR rasmiylari) xalqaro majburiyatlari va Koreya yarim oroli yadro vositalaridan xoli bo‘lishi zarurligini tan olishga tayyor bo‘lsa, muloqot uchun imkoniyatlar mavjud. Biz Shimoliy Koreyaga nisbatan tajovuzkorona munosabatdan manfaatdor emasmiz”, — deya ta’kidladi Obama.
AQSh prezidenti Janubiy Koreya bilan muzokaralardagi asosiy mavzulardan biri Pxenyan tomonidan yaqinda o‘tkazilgan raketa sinovi bo‘lganini bildirdi.
Eslatib o‘tamiz, ikki davlat rahbari uchrashuvi arafasida Shimoliy Koreya “Nodon” turidagi uchta ballistik raketani uchirdi. Ular 1000 kilometrga yaqin masofani bosib o‘tib, Yaponiya havo hujumiga qarshi mudofaasi identifikatsiya hududiga kelib tushdi.
Izoh (0)