Meklenburg-Old Pomeraniya o‘lkasidagi hududiy saylovlarda Angela Merkelning hukmron partiyasi — Xristian-demokratik ittifoq (XDI) atigi uchinchi o‘rinni egallab, mag‘lub bo‘lmoqda, deb yozadi “RBK” ekzit-poll (ovoz berish uchastkalaridan chiqish vaqtida saylovchilardan kimga ovoz bergani haqida olingan so‘rov) natijalariga tayanib.
Ekzit-poll yakunlariga ko‘ra, birinchi o‘rinni 30,5 foiz natija bilan Germaniya Sotsial-demokratik partiyasi egalladi, ikkinchi o‘ringa esa bor-yo‘g‘i uch yil avval tashkil etilgan “Germaniya uchun alternativa” partiyasi (21%) chiqib oldi. Merkelning partiyasi uchun saylovchilarning 19 foizigina ovoz berdi.
Meklenburg-Old Pomeraniya o‘lkasida 1,6 millionga yaqin kishi yashaydi, ammo hududiy saylovlarga bu yerda 2017-yilgi parlament saylovlari oldidan o‘tkazilgan asosiy test deb qaraladi.
Kuzatuvchilar ta’kidlashicha, Meklenburg-Old Pomeraniyadagi saylov natijalari Angela Merkelning 2017-yilgi saylovlarda to‘rtinchi muddat uchun nomzodini qo‘yish qaroriga ta’sir qilishi mumkin.
Izoh (0)