Futbol bo‘yicha O‘zbekiston milliy terma jamoasi JCh—2018 3-saralash bosqichining 1-turida Suriyani mag‘lub etdi — 1:0.
Bunga qadar JCh saralashlarida 5 bor ishtirok etgan O‘zbekiston termasi hal qiluvchi bosqichdagi ilk o‘yinda g‘alaba qozona olmagandi. Suriyaga qarshi g‘alaba bu borada birinchisi bo‘ldi.
Uchrashuvning 56-daqiqasida maydonga tushgan Aleksandr Geynrix, 74-daqiqada O‘zbekiston bosh jamoasiga g‘alaba keltirgan golga mualliflik qildi.
O‘zbekiston joy olgan “A” guruhidagi ilk o‘yinda Janubiy Koreya Xitoy ustidan zafar quchgandi — 3:2.
6-sentabr kuni bo‘lib o‘tadigan 3-turda O‘zbekiston Qatar terma jamoasiga qarshi kurash olib boradi.
JCh—2018 3-saralash bosqichi 1-sentabr, payshanba
O‘zbekiston — Suriya 1:0
Gol: Aleksandr Geynrix, 74 (1:0).O‘zbekiston: Aleksandr Lobanov — Islom To‘xtaxo‘jayev, Otabek Shukurov, Anzur Ismoilov, Vitaliy Denisov, Odil Ahmedov, Aziz Haydarov (Javohir Sohibov, 67), Server Jeparov, Eldor Shomurodov, Sardor Rashidov (Aleksandr Geynrix, 56), Igor Sergeyev.
Suriya: Ibrohim Almeh — Ahmad As-Solih, Mouaiad Al-Ajjan, Amro Al-Midani, Nadim Sabog‘ (Usama Umari, 62), Umar Xarbin, Mahmud Al-Mavas, Abdulrazzoq Al-Hussayin (Muhammad Rafat, 84), Alaa Ash-Shbli, Hamid Mido (Xolid Al-Mbayed, 69), Zohir Al-Medani.
Izoh (0)