Aleksandr Povetkin va kanadalik Bermeyn Stivern o‘rtasidagi jang yuzasidan muzokaralar savdolashish bilan yakunlanadi, bellashuv esa AQShda o‘tkaziladi. Rossiyalik bokschi manfaatlarini himoya qiluvchi “Boks dunyosi” kompaniyasi rahbari Andrey Ryabinskiy shunday taxmin qilmoqda, deya xabar beradi “TASS”.
“Jang Rossiyada o‘tkazilishiga qarshiligim yo‘q, biroq AQShda bo‘lib o‘tishi yaxshiroq bo‘lsa kerak. Muzokaralar qiyin kechmoqda, kelishish juda murakkab bo‘lyapti. Shu sabab ular savdolashish bilan tugaydiganga o‘xshaydi”, — deya ta’kidladi Ryabinskiy.
Ma’lumot uchun, Povetkinning Butundunyo boks kengashi (WBC) yo‘nalishida jahon chempioni, amerikalik Deontey Uaylder bilan jangi avvaliga rossiyalik bokschi doping qabul qilganlikda ayblangach, keyinchalik esa Uaylder shikastlangani tufayli qoldirilgandi. Endi u kanadalik Bermeyn Stivern bilan ringga ko‘tariladi.
Izoh (0)