O‘zbekistonda 1-sentabr, payshanba kuni ayrim hududlarda yog‘ingarchilik kutiladi, momaqaldiroqlar bo‘lishi mumkin. Bu haqda “O‘zgidromet” markazi xabar bermoqda.
Xabar berishlaricha, 1-sentabrga o‘tar kechasi O‘zbekistonning tog‘li hududlarida havo harorati +10...+15 daraja, Toshkent shahrida +16...+18 daraja, qolgan barcha hududlarda +21...+22 darajagacha iliq bo‘ladi.
1-sentabr kuni kunduzi mamlakatning tog‘li joylarida havo harorati +22...+27 daraja iliq, Qoraqalpog‘iston Respublikasi va Xorazm viloyatida +27...+32 daraja, Farg‘ona vodiysi viloyatlarida +30...+35 daraja, Toshkent shahrida +34...+36 daraja, qolgan hududlarda +32...+37 daraja issiq bo‘ladi.
“O‘zgidromet” ma’lumotiga ko‘ra, 1-sentabrga o‘tar kechasi va 1-sentabr kuni kunduzi O‘zbekistonning tog‘li hududlarida, Toshkent shahri va Toshkent viloyatida qisqa muddatli yog‘ingarchilik va momaqaldiroq kuzatilishi mumkin.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)