O‘zbekistonda Windows 10 Mobile operatsion tizimi boshqaruvidagi ilk budjet smartfoni — Microsoft Lumia 550 sotuvi boshlandi. Sifatli plastik korpusga ega qurilmada yangi Office Cortana ofis yordamchisidan foydalanish mumkin. Bu haqda “Mobinfo.uz” xabar bermoqda.
Qurilmaning texnik xususiyatlariga kelganda, Lumia 550 1280x720 pikselli, 4,7 dyuymli displey, 1 gigabayt tezkor, 8 gigabayt doimiy xotirali (Micro-SD kartalarini o‘rnatish imkoniyati bilan), 4 yadroli Qualcomm Snapdragon 210 protsessoriga ega bo‘ldi. Smartfonda tasvir uchun 5 megapikselli asosiy kamera javob beradi. Akkumulyator batareyasi sig‘imi 1905 amper/soatga teng.
Poytaxt bozorlarida Microsoft Lumia 550 992 ming so‘mdan taklif etilmoqda. Taqqoslash uchun, texnik xususiyatlari o‘xshash Microsoft Lumia 540 modelini ayni paytda 800 ming so‘mga xarid qilish mumkin.
Ushbu qurilmani ko‘rsatilgan narxlarda sotib olishga “Daryo” nashri kafolat bermaydi. Qurilmalar va ularning narxlari haqidagi axborot faqat tanishish uchun taqdim etiladi.
Izoh (0)