Ўзбекистонда Windows 10 Mobile операцион тизими бошқарувидаги илк бюджет смартфони — Microsoft Lumia 550 сотуви бошланди. Сифатли пластик корпусга эга қурилмада янги Office Cortana офис ёрдамчисидан фойдаланиш мумкин. Бу ҳақда «Mobinfo.uz» хабар бермоқда.
Қурилманинг техник хусусиятларига келганда, Lumia 550 1280х720 пикселли, 4,7 дюймли дисплей, 1 гигабайт тезкор, 8 гигабайт доимий хотирали (Micro-SD карталарини ўрнатиш имконияти билан), 4 ядроли Qualcomm Snapdragon 210 процессорига эга бўлди. Смартфонда тасвир учун 5 мегапикселли асосий камера жавоб беради. Аккумулятор батареяси сиғими 1905 ампер/соатга тенг.
Пойтахт бозорларида Microsoft Lumia 550 992 минг сўмдан таклиф этилмоқда. Таққослаш учун, техник хусусиятлари ўхшаш Microsoft Lumia 540 моделини айни пайтда 800 минг сўмга харид қилиш мумкин.
Ушбу қурилмани кўрсатилган нархларда сотиб олишга «Дарё» нашри кафолат бермайди. Қурилмалар ва уларнинг нархлари ҳақидаги ахборот фақат танишиш учун тақдим этилади.
Изоҳ (0)