LG yana bir bor Yevropa hakamlarida katta taassurot qoldirdi va tasvir sifati, dizayni va smart-interfeysi uchun yuksak baholandi.
LG Electronics (LG) kompaniyasining OLED televizori Tasvir va tovush Yevropa assotsiatsiyasi (EISA) tomonidan beshinchi yil ketma-ket Yevropadagi eng yaxshi innovatsion televizor deya tan olindi. EISA Awards mukofoti har yili 20 ta Yevropa mamlakatidan 50 ta multimedia jurnali ekspertlar guruhi tomonidan aniqlanadi, ular innovatsion mahsulotlarni texnologik imkoniyatlari, dizayn va yangiligiga qarab baholaydi.
LG Signature (65G6 modeli) OLED televizori Yevropa innovatsiya televizori nominatsiyasi g‘olibi sifatida mukammal qora rang ifodasi, shuningdek, yuqori tasvir sifatidan ta’sirlangan hakamlar tomonidan “haqiqatda yuksak muvaffaqiyat” deb ataldi. Hakamlar hay’ati HDR 10 va DolbyVision™’ni qo‘llovchi LG Signature OLED televizorini yuqori baholadi.
“Eng nufuzli EISA mukofotini ketma-ket beshinchi yil qo‘lga kiritish biz uchun katta sharaf va har bir mukofot avvalgisidek qadrli, — dedi LG Electronics’ning LG Home Entertainment kompaniyasi prezidenti Brayan Kvon. — Bu e’tirof bizning LG Signature OLED televizori o‘zining tiniq tasviri va inqilobiy dizayni bilan muhandislik san’atining yuksak muvaffaqiyati ekanligiga doir ishonchimizni tasdiqlaydi”.
LG’ning yana bir televizori – LG UH770V SUPER UHD TV ham o‘zining ajoyib tasvir sifati va WebOS 3.0 intuitiv foydalanuvchi interfeysi uchun e’tirofga sazovor bo‘lib, European Smart TV mukofotiga munosib deb topildi.
LG mobil telefonlar departamenti LG G5 smartfoni uchun European Mobile Innovation nominatsiyasida eng yaxshi qurilma sifatida mukofot oldi.
Reklama huquqi asosida. Xizmatlar litsenziyalangan.
Izoh (0)