Instagram va Twitter foydalanuvchilari Avstraliyaning Melburn shahrida yashovchi 12 yoshli Uilyam Franklin-Millerni dunyodagi eng chiroyli bola deb topdi. Bu haqda Daily Mail xabar bermoqda.
Avvaliga Uilyamga tegishli ijtimoiy tarmoqdagi akkauntlar internetning Osiyo qismida ommalashdi. Yaponiyalik maktab o‘quvchisi bo‘lgan qiz uning fotosini Twitter’dagi sahifasida joylashtirdi va bu surat mingdan ortiq marta bo‘lishildi. Shundan so‘ng Franklin-Millerga do‘stlashish haqidagi takliflar yog‘ilib ketdi. O‘zining aytishicha, u har uch soniyada yuzga yaqin shunday taklif olgan. Instagram’da unga a’zo bo‘lganlar soni esa 152 ming kishiga yetdi.
Daily Mail nashrining aniqlik kiritishicha, Uilyam sakkiz yoshidan beri model bo‘lib ishlaydi va aktyorlik borasida ilk qadamlarni tashlamoqda. Jumladan, Avstraliyaning “Jek Ayrish” seriali va Harrod’s do‘koni reklamasida suratga tushgan. Internetda tanilib ketgach, maktab o‘quvchisi Osiyodagi uchta teleshou efirida ishtirok etdi va ko‘plab intervyular bera boshladi.
Izoh (0)