AQShning Arizona shtatida yashovchi 21 yoshli Zakari Penton Twitter’da qotillikni amalga oshirish istagi haqida yozib qoldirganidan so‘ng, ertasi kuni qo‘shnisini otib tashladi, deb yozadi TJournal.
21-avgust kuni kechqurun Zakari Penton Gilbert shahar politsiyasiga qo‘ng‘iroq qilib, o‘zining qo‘shnisi — 41 yoshli Deniyel Garofaloni otib o‘ldirganini ma’lum qildi. Penton ikkinchi darajali qotillikda gumon qilinib, hibsga olindi.
Qotillikdan bir kun avval, 20-avgustda Zakari o‘z Twitter’ida ogohlantirish yozib qoldirgani uchun, ushbu voqea katta shov-shuvga sabab bo‘ldi. “Qo‘shnilarimni shafqatsizlarcha o‘ldirib qo‘ymasimdan oldinroq ko‘chib ketishim kerak”, — deyiladi tvitda.
https://twitter.com/Zac_Penton/status/766855751570628608
Bir qarashda Pentonning boshqa qaydlari unda qotil yashiringanidan darak bermagan. Ammo ba’zi postlari Pentonning qurolga ishqibozligini ko‘rsatgan. Masalan, foydalanuvchilardan birining beg‘araz tvitiga javoban, bo‘lajak qotil, uning so‘zlariga ko‘ra, doimo o‘zi bilan olib yuradigan armiya pichog‘i suratini yuborgan.
https://twitter.com/Zac_Penton/status/605241699116261377
Keyinroq esa, Zak AQShda to‘pponcha sotib olish naqadar oson ekanligidan hayratlangan.
https://twitter.com/Zac_Penton/status/738868491688644608
Pentonning ishi bo‘yicha birinchi eshitish 22-avgustda bo‘lib o‘tdi. Uni ozod qilish uchun 750 ming dollar garov puli belgilandi.
Izoh (0)