The Economist nashri an’anaviy tarzda dunyoning yashash uchun eng yaxshi shaharlari reytingini tuzdi, deb yozadi “Vc.ru”.
Ro‘yxatga jami 140 ta shahar kiritildi. Tadqiqotchilar tibbiy xizmatlar sifati, ta’lim, madaniyat, infratuzilmaning rivojlanganlik darajasi kabi 30 ta turli omillarni baholadi.
Har bitta shahar 1 dan 100 gacha bo‘lgan shkalada yakuniy bahoni qo‘lga kiritdi — unga muvofiq, reytingning barcha ishtirokchilari beshta kategoriyaga bo‘lindi.
Ro‘yxatda eng yuqori reytingga Avstraliyaning Melburn shahri ega bo‘ldi (97,5 ball). Yuqori uchlikka, shuningdek, Vena (Avstriya) va Vankuver (Kanada) kirdi.
O‘ziga jalb qilmaydigan shaharlar o‘nligiga esa Kiyev (Ukraina), Xarare (Zimbabve), Tripoli (Liviya) va boshqalar kirdi. Reytingga Suriya poytaxti Damashq yakun yasadi.
Hayot darajasi so‘nggi besh yil ichida eng keskin tarzda tushib ketgan shaharlar ro‘yxatida Damashq yetakchilik qildi. Unga, shuningdek, Kiyev, Detroyt (AQSh), Parij, Moskva va Sankt-Peterburg kirdi.
Aksincha, so‘nggi besh yil ichida hayot darajasi sezilarli darajada ko‘tarilgan shaharlar reytingida Eron poytaxti Tehron birinchi bo‘ldi.
Izoh (0)