Instagram ва Twitter фойдаланувчилари Австралиянинг Мельбурн шаҳрида яшовчи 12 ёшли Уильям Франклин-Миллерни дунёдаги энг чиройли бола деб топди. Бу ҳақда Daily Mail хабар бермоқда.
Аввалига Уильямга тегишли ижтимоий тармоқдаги аккаунтлар интернетнинг Осиё қисмида оммалашди. Япониялик мактаб ўқувчиси бўлган қиз унинг фотосини Twitter’даги саҳифасида жойлаштирди ва бу сурат мингдан ортиқ марта бўлишилди. Шундан сўнг Франклин-Миллерга дўстлашиш ҳақидаги таклифлар ёғилиб кетди. Ўзининг айтишича, у ҳар уч сонияда юзга яқин шундай таклиф олган. Instagram’да унга аъзо бўлганлар сони эса 152 минг кишига етди.
Daily Mail нашрининг аниқлик киритишича, Уильям саккиз ёшидан бери модель бўлиб ишлайди ва актёрлик борасида илк қадамларни ташламоқда. Жумладан, Австралиянинг «Жек Айриш» сериали ва Harrod’s дўкони рекламасида суратга тушган. Интернетда танилиб кетгач, мактаб ўқувчиси Осиёдаги учта телешоу эфирида иштирок этди ва кўплаб интервьюлар бера бошлади.
Изоҳ (0)