The Economist нашри анъанавий тарзда дунёнинг яшаш учун энг яхши шаҳарлари рейтингини тузди, деб ёзади «Vc.ru».
Рўйхатга жами 140 та шаҳар киритилди. Тадқиқотчилар тиббий хизматлар сифати, таълим, маданият, инфратузилманинг ривожланганлик даражаси каби 30 та турли омилларни баҳолади.
Ҳар битта шаҳар 1 дан 100 гача бўлган шкалада якуний баҳони қўлга киритди — унга мувофиқ, рейтингнинг барча иштирокчилари бешта категорияга бўлинди.
Рўйхатда энг юқори рейтингга Австралиянинг Мельбурн шаҳри эга бўлди (97,5 балл). Юқори учликка, шунингдек, Вена (Австрия) ва Ванкувер (Канада) кирди.
Ўзига жалб қилмайдиган шаҳарлар ўнлигига эса Киев (Украина), Хараре (Зимбабве), Триполи (Ливия) ва бошқалар кирди. Рейтингга Сурия пойтахти Дамашқ якун ясади.
Ҳаёт даражаси сўнгги беш йил ичида энг кескин тарзда тушиб кетган шаҳарлар рўйхатида Дамашқ етакчилик қилди. Унга, шунингдек, Киев, Детройт (АҚШ), Париж, Москва ва Санкт-Петербург кирди.
Аксинча, сўнгги беш йил ичида ҳаёт даражаси сезиларли даражада кўтарилган шаҳарлар рейтингида Эрон пойтахти Теҳрон биринчи бўлди.
Изоҳ (0)