Pokistonning Karachi shahrida namoyishchilar ARY News xususiy telekanaliga hujum qildi, oqibatda bir kishi halok bo‘ldi, yetti kishi yaralandi, deb yozadi “TASS”.
Xabarlarga ko‘ra, bir kishi otib tashlangan, jabrlanganlardan ikki nafari o‘q tegishidan yarador bo‘lgan. Hodisa joyida olingan kadrlarda telekanal binosiga o‘nlab erkak va ayollar bostirib kirayotgani, eshik, deraza va uskunalarni sindirayotgani, so‘ng bir nechta avtomobilga o‘t qo‘yayotganini ko‘rish mumkin.
To‘qnashuvlar Pokiston politsiyasi va mamlakatdagi eng yirik muxolifatchi partiya — “Birlashgan xalq harakati” o‘rtasida bo‘lib o‘tdi. Ushbu partiya rahbari Altaf Husayn partiya a’zolarini ARY News telekanaliga qarshi qayradi. Londonda siyosiy quvg‘inlikda bo‘lgan Husayn fikricha, ARY News partiya faoliyatini yetarlicha yoritmaydi.
Izoh (0)