Turkiyaning Turkish Airlines aviakompaniyasi 8 ta samolyotni mamlakatda harbiy to‘ntarishga urinishni bartaraf qilishda katta rol o‘ynagan Istanbul va Anqara shaharlaridagi tumanlar sharafiga qayta nomladi. Bu haqda “RBK” xabar bermoqda.
Ikkita samolyot odamlar, harbiylar va politsiyachilar halok bo‘lgan Anqaradagi Qozon va Gyolboshi tumanlari sharafiga, shuningdek, yana bir samolyot mamlakat prezidenti Rajab Toyyib Erdo‘g‘on saroyi joylashgan Beshtepa sharafiga qayta nomlandi. Qolgan beshta samolyot Istanbuldagi Sarachxan, Chengelkyoy, Kavajik, Ajibadem va Atishalan tumanlari sharafiga qayta nomalanadi.
Iyul oyi oxirida Turkish Airlines harbiy to‘ntarishga aloqadorlika gumon qilingan 211 nafar xodimini ishdan bo‘shatgandi.
Izoh (0)