Malayziyada noma’lum shaxslar 900 ming litr dizel yoqilg‘isini olib ketayotgan neft tankerini qo‘lga oldi. Bu haqda Malayziya dengiz politsiyasi agentligi ma’lumotiga tayanib, Reuters agentligi ma’lum qildi, deya xabar bermoqda “RBK”.
Hodisa Indoneziya akvatoriyasida yuz berdi. Vier Harmoni nomli kema Malayziyaning Tanyung-Pelepas portidan yo‘lga chiqqan edi. Biroq tez orada noma’lum bosqinchilar nazorati ostiga o‘tdi.
Hozirgi paytda kema Indoneziyaning shimolida joylashgan Batam shahri va orollari suv hududida ekanligi ma’lum qilinmoqda.
Kemani qo‘lga olganlarning shaxsi noma’lum. Hukumat yuz bergan hodisa tafsilotlarini aniqlamoqda va olib qochilgan kemani qaytarish ustida ishlamoqda.
Malayziya dengiz politsiyasi agentligining ma’lum qilishicha, tanker bortidagi yoqilg‘ining qiymati 393 ming dollarni tashkil etadi.
Izoh (0)