Малайзияда номаълум шахслар 900 минг литр дизель ёқилғисини олиб кетаётган нефть танкерини қўлга олди. Бу ҳақда Малайзия денгиз полицияси агентлиги маълумотига таяниб, Reuters агентлиги маълум қилди, дея хабар бермоқда «РБК».
Ҳодиса Индонезия акваториясида юз берди. Vier Harmoni номли кема Малайзиянинг Таньюнг-Пелепас портидан йўлга чиққан эди. Бироқ тез орада номаълум босқинчилар назорати остига ўтди.
Ҳозирги пайтда кема Индонезиянинг шимолида жойлашган Батам шаҳри ва ороллари сув ҳудудида эканлиги маълум қилинмоқда.
Кемани қўлга олганларнинг шахси номаълум. Ҳукумат юз берган ҳодиса тафсилотларини аниқламоқда ва олиб қочилган кемани қайтариш устида ишламоқда.
Малайзия денгиз полицияси агентлигининг маълум қилишича, танкер бортидаги ёқилғининг қиймати 393 минг долларни ташкил этади.
Изоҳ (0)