Vazn toifasidan qat’i nazar dunyoning eng yaxshi bokschilaridan biri kichik Floyd Meyvezer rossiyalik sportchilarni o‘zining eng yaxshi do‘stlari deb hisoblaydi va har qanday tahqirlashga qarshi ekanini ma’lum qildi, deb xabar bermoqda “TASS”.
Rio–2016 Olimpiada o‘yinlaridagi muxlislar va xorijiy sportchilar muntazam ravishda rossiyalik sportchilarga hushtakbozlik qilmoqda. Xususan, suzish bo‘yicha musobaqalar vaqtida bunday holatga Yuliya Yefimova tushgan.
“Dunyoda mening muxlislarim ko‘p va hech kim haqida yomon gapirmaslikka o‘rganganman, shu jumladan, rossiyaliklar haqida ham. Ular – mening eng yaqin do‘stlarim, men tahqirlashning har qanday shakliga qarshiman”, – dedi Meyvezer.
Izoh (0)