Xitoy rasmiylari mamlakatning sobiq rahbari Szyan Szemin tavalludining 90-yilligiga bag‘ishlangan tadbirlarga to‘sqinlik qilish uchun barcha choralarni qo‘llamoqda. Bu haqda mahalliy jamoat tashkilotlari vakillariga tayanib, The Financial Times ma’lum qildi, deya xabar beradi “Kommersant”.
Gazetaga Pekin universiteti sobiq o‘qituvchilaridan birining ma’lum qilishicha, u va do‘stlari tug‘ilgan kun munosabati bilan kecha tashkillashni istagan, biroq politsiya vakillari ularni bu va boshqa harakatlar, jumladan, internetda Szyan Szemin nomini keltirishdan o‘zlarini tiyishlari haqida ogohlantirgach, rejalaridan voz kechgan.
Xitoyning sobiq rahbari 17-avgust, chorshanba kuni 90 yoshga to‘ladi. U keksa va zaif, biroq mamlakatning bugungi rahbariyati uni o‘zi uchun xavfli deb biladi. U rahbarlik qilgan o‘tgan asrning 90-yillari erkinlik hukm surgan davr deb hisoblanadi. Aynan uning rahbarligida Xitoy Den Syaopin islohotlarini davom ettirdi, Butundunyo savdo tashkilotiga (BST) a’zo bo‘lib kirdi va global iqtisodiy davlat maqomiga ega bo‘ldi.
Izoh (0)