Futbol bo‘yicha Ispaniya Superkubogining dastlabki o‘yinida “Barselona” futbolchilari safarda to‘p surishiga qaramay, 2:0 hisobida zafar quchdi.
“Sevilya”ga qarshi bellashuvning 54-daqiqasida Luis Suares kataloniyalik futbolchilarni hisobda oldinga olib chiqqan bo‘lsa, 81-daqiqaga kelib El-Xaddadi g‘alabani mustahkamlovchi golga mualliflik qildi — 2:0.
18-avgust kuni har ikki klub javob o‘yinini “Kamp-Nou” stadionida o‘tkazadi.
Avvalroq “Sevilya” Yevropa Superkubogida “Real”ga qarshi saf tortib, 2:3 hisobida imkoniyatni boy berib qo‘ygandi.
Ispaniya Superkubogi Dastlabki bellashuv 14-avgust, yakshanba
“Sevilya” — “Barselona”
Gollar: Luis Suares, 54 (0:1). El-Xaddadi, 81 (0:2).“Sevilya”: Riko, Mariano, Merkado, Rami, Eskudero (Sarabiya, 57), Kranevitter (Ganso, 69), Nzonzi, Kiyotake, Vitolo, Vaskes, Vetto (Ben-Yeder, 61).
“Barselona”: Bravo, Serxi Roberto, Pike, Maskerano, Matye (Din, 27), Buskets, Rakitich, Inyesta (D. Suares, 36), Arda Turan (El-Xaddadi, 76), Messi, L. Suares.
Izoh (0)