Rossiya mudofaa vazirligining radiatsiya, kimyoviy va biologik himoya qo‘shinlari mutaxassislari Yamal-Nenets avtonom okrugidagi Sibir kuydirgisi tarqalgan hududda mazkur kasallik tufayli nobud bo‘lgan barcha bug‘ular qoldiqlarini yo‘q qildi. Bu haqda Markaziy harbiy okrug matbuot xizmati ma’lum qildi, deya xabar beradi “TASS”.
“So‘nggi kunlar mobaynida Mudofaa vazirligi mutaxassislari halok bo‘lgan oxirgi 54 jonivor qoldiqlarini yo‘q qildi. Jami yo‘q qilingan bug‘ular soni 2349 tani tashkil etdi. Harbiy xizmatchilar Sibir kuydirgisi tufayli nobud bo‘lgan jonivorlar qoldiqlarini bartaraf etishni yakunladi. Ularni yoqib yuborish kuydirgi sporalarini uzil-kesil yo‘q qilish uchun 140 dan 400 darajagacha bo‘lgan haroratda amalga oshirildi”, — deyiladi matbuot xizmati xabarida.
Yamalda kasallik asoratlarini bartaraf etish ishlari davom ettirilmoqda.
Izoh (0)