Afg‘oniston sharqida vertolyot halokatga uchragandan so‘ng toliblar tomonidan garovga olingan Rossiya fuqarosi va 5 nafar pokistonlik ozod etildi hamda Islomobod ixtiyoriga topshirildi. Bu haqda Pokiston TIV vakiliga tayanib, Reuters ma’lum qildi, deya xabar beradi “RBK”.
“Afg‘onistonda shu yil 4-avgustda bedarak yo‘qolgan hukumat vertolyoti ekipajining 6 nafar a’zosi ozod etildi va 13-avgust, shanba kuni Islomobodga yetkazildi”, — deyiladi Pokiston TIV bayonotida.
Rossiya TIV ham mazkur ma’lumotni tasdiqladi. Vazirlik saytida Sergey Sevastyanov yaqin orada Islomoboddagi Rossiya elchixonasiga topshirilishi va yurtiga qaytishi haqida ma’lum qilindi. U va Mi-17 ekipajining boshqa a’zolari ozod qilinishi uchun jonbozlik qilgan Pokiston hamda Afg‘oniston rasmiylariga minnatdorlik bildirildi.
Izoh (0)