Rio—2016 Olimpiadasining 69 kilogrammgacha bo‘lgan bokschilar o‘rtasidagi musobaqasida O‘zbekiston sharafini himoya qilgan Shahram G‘iyosov turnirdagi ikkinchi jangini litvalik Eymantas Stanyonisga qarshi o‘tkazdi.
1/8 final doirasida kechgan bellashuvda Buxoro boks maktabi tarbiyalanuvchisi hisoblangan Shahram G‘iyosov raqibini mag‘lub etib, chorak final chiptasini qo‘lga kiritdi. Bu g‘alaba uning uchun Rio-de-Janeyrodagi ketma-ket ikkinchisi bo‘ldi.
Shahram G‘iyosov musobaqaning 1/16 finalida ispaniyalik Yuba Sissokoga qarshi jang qilib, har uchala raundni o‘z foydasiga hal qilgandi.
O‘zbekistonlik bokschi medallar uchun kechadigan chorak final jangini kubalik charm qo‘lqop ustasi Iglesias Ronielga qarshi o‘tkazadi.
Izoh (0)