Hindiston shimolidagi Uttar-Pradesh shtatining Mainpuri shahrida olomon politsiya idorasini yakson qilib, huquq-tartibot xodimlarini kaltakladi. Voqea yuzasidan tekshiruv boshlandi, deb xabar beradi “TASS”.
Shahar aholisining so‘zlariga qaraganda, politsiyachilar tirkamali traktorda g‘isht olib ketayotgan ishchilarni ushlab qolib, ulardan 100 rupiyadan (2 dollar) pora talab qilgan. Ishchilar pora berishdan bosh tortgach, politsiyachilar ularni kaltaklay boshlagan, buning oqibatida ikki ishchi olamdan o‘tgan. Huquq-tartibotchilar o‘liklarni hovuzga tashlab yuborgan. O‘liklarni topib olgan mahalliy aholi vakillari g‘azablanib, politsiya idorasini qo‘lga olgan va u yerdagi xodimlarni do‘pposlagan.
Mahalliy hokimiyat shaharga qo‘shimcha kuchlarni kiritib, vaziyatni nazoratga olgan.
Ma’lum bo‘lishicha, politsiya muntazam ravishda ishchilardan o‘lpon undirib kelgan.
Izoh (0)