Tokio bo‘g‘ozidagi Keyxin portida, Yokogama va Kavasaki shaharlari yaqinida 7-avgust, yakshanba kuni ertalab ikki tanker to‘qnashib ketishi oqibatida neft sizishi ro‘y berdi. Bu haqda Yaponiya qirg‘oq himoyasi ma’lum qildi, deb xabar beradi “TASS”.
Ma’lumotlarga ko‘ra, hodisa tufayli hech kim jabrlanmagan. Yapon tankeri bortida uch nafar ekipaj a’zosi bor edi, neft sizishi aynan ushbu kemada sodir bo‘lgan. Hozirda tanker cho‘kayotgani bildirilmoqda.
Ikkinchi tanker haqida faqat u Panama bayrog‘i ostida suzgani ma’lum. Mahalliy telekanallar namoyish etgan halokat joyidan lavhalarga ko‘ra, tanker sezilarli shikastlanishlarga duch kelmagan.
Yaponiya qirg‘oq himoyasi hodisa tafsilotlarini o‘rganishga kirishdi.
Izoh (0)