Yekaterinburglik elektr montajchi sakkizinchi qavatning derazasidan qulab ketgan to‘rt yoshli qizchani tutib oldi. Bu haqda “Interfaks-Ural” xabar bermoqda.
Qizcha bosh miya shikastlanishi, miyaning lat yeyishi, yelka suyagining yopiq sinishi bilan shifoxonaga yotqizilgan. Shifokorlar uning hayoti uchun kurashmoqda.
Politsiyaning aniqlik kiritishicha, 4-avgust, payshanba kuni qizchaning onasi uni bog‘chadan olib kelib, ovqatlantirgach, unga televizorni yoqib bergan. Shundan so‘ng eshik va derazalarni yopib, yaqinda joylashgan do‘konga ishlashga ketgan. Ayol qiziga mobil telefon tashlab ketgan va vaqti-vaqti bilan qo‘ng‘iroq qilib turgan.
Uyda yolg‘iz qolgan bola kirish eshigi yopiq bo‘lgani uchun derazadan onasining yoniga bormoqchi bo‘lgan. Deraza tokchasiga chiqqan qizchani tashqarida iti bilan sayr qilib yurgan erkak ko‘rib qoladi va tez orada pastga boshi bilan qulagan qizchani tutib qoladi.
Yekaterinburg IIB rahbariyati hodisa oqibatida qo‘li shikastlangan erkakni mukofotlashni rejalashtirmoqda.
Izoh (0)