O‘zbekiston xarid qobiliyati paritetini hisobga olganda yalpi ichki mahsulot bo‘yicha 2015-yil yakunlariga ko‘ra dunyoda 61-o‘rinni egalladi, deb yozadi UzDaily Jahon banki tuzgan reytingga tayanib. Reytingga 188 ta mamlakat kirdi.
Unga ko‘ra, O‘zbekiston 187,668 milliard dollar ko‘rsatkich bilan xarid qobiliyati paritetini hisobga olganda yalpi ichki mahsulot hajmi bo‘yicha 61-o‘rinda joylashdi.
Jahon banki, shuningdek, o‘tgan yil natijalariga ko‘ra yalpi ichki mahsulotga berilgan baho asosida dunyo mamlakatlari iqtisodiyotlari hajmi haqidagi ma’lumotlarni ham e’lon qildi.
Bank ma’lumotlariga ko‘ra, O‘zbekiston yalpi ishki mahsuloti 62,644 milliard dollarni tashkil etib, dunyoda 70-o‘rinni egalladi. Ushbu ro‘yxatdan 195 ta mamlakat o‘rin oldi.
Yalpi milliy mahsulot 2015-yil yakunlariga ko‘ra, aholi boshiga 2,15 ming dollarga teng bo‘ldi, bu 2014-yildagidan 2,87 foizga ko‘proq demakdir. Ushbu ko‘rsatkich bo‘yicha O‘zbekiston 162-o‘rinda joylashdi.
Izoh (0)