Toshkent va Termizdagi jazirama rekordi, paxta dalalari qisqarayotgan O‘zbekiston, Ruslan Chagayevning muvaffaqiyatsizliklari va kunning boshqa muhim yangiliklari

27-iyulning e’tiborga molik yangiliklari — “Daryo”ning kechki dayjestida.

1. Toshkent tarixidagi iyulning eng issiq kuni qachon kuzatilgan? 26-iyul kuni Toshkent, Termiz va Samarqandda jazirama rekordlari o‘rnatildi, biroq 28-aprel kuni havo sezilarli salqinlashishi kutilmoqda.

2. 2016-yilda O‘zbekistonda paxta dalalari 30,5 ming gektarga qisqartirildi. Paxtadan bo‘shagan yerlarga ilg‘or agrotexnologiyalarni joriy qilish asosida meva-sabzavot ekildi.

3. “Afrosiyob” tezyurar poyezdini toshbo‘ron qilgan bezorilar ushlandi. Joriy yilda “Toshkent – Samarqand” yo‘nalishida harakatlayotgan “Afrosiyob” tezyurar poyezdini toshbo‘ron qilish bilan bog‘liq to‘rtta holat qayd etildi.

4. Chempionlik kamaridan mahrum qilingan Ruslan Chagayev WBA reytingidan ham chiqarildi. Chagayev va uning jamoasiga Fres Okendoga qarshi o‘tkaziladigan majburiy himoya jangini paysalga solayotganligi uchun shunday holatda qoldi.

5. Tennischilar Rojer Federer va Stanislas Vavrinka Shveysariya terma jamoasi safida Toshkentga kelmaydi. Federer bayonot berib, yil yakuniga qadar kortga tushmasligini e’lon qildi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.