Toshkent shahridagi Turin politexnika universiteti abituriyentlaridan biri Hamidjon Egamov kirish imtihoni test sinovida mavjud bo‘lgan 100 balldan 100 ball to‘pladi. Bu universitet tarixida qayd etilgan eng yuqori natija bo‘ldi, deb universitet matbuot xizmati “Daryo”ga ma’lum qildi.
Mazkur universitetga kirish imtihonlari Andijon shahrida (Farg‘ona vodiysi abituriyentlari uchun) 27-iyun kuni, Toshkent shahrida (qolgan barcha hududlar uchun) 11–12-iyul kunlari bo‘lib o‘tdi. Mavjud bo‘lgan 350 o‘ringa 1281 abituriyent onlayn ro‘yxatdan o‘tdi. Shulardan 1033 nafari ariza taqdim etdi. Universitet taqdim qilgan har bir o‘rin uchun 2,9 abituriyent to‘g‘ri keldi.
Imtihon jarayonini kuzatish uchun Italiyadan 8 nafar mas’ul vakil tashrif buyurdi.
Izoh (0)