O‘zbekistonning aksariyat hududlarida 27-iyul, chorshanba kuni yuqori darajadagi issiq harorat saqlanib qoladi. Bu haqda “O‘zgidromet” markazi xabar bermoqda.
Xabar berishlaricha, chorshanbaga o‘tar kechasi O‘zbekistonning tog‘li hududlarida +17...+22 daraja, Toshkent shahrida +23...+25 daraja, mamlakatning qolgan joylarida esa +27...+28 darajagacha iliq bo‘ladi.
27-iyul kuni kunduzi tog‘li joylarda havo harorati +27...+32 daraja, Qoraqalpog‘iston Respublikasi va Xorazm viloyatida +30...+35 daraja, Buxoro, Navoiy viloyatlari hamda Toshkent shahrida +34...+39 darajaga issiq bo‘ladi.
Shu kuni Toshkent, Samarqand, Jizzax, Sirdaryo, Andijon, Namangan va Farg‘ona viloyatlarida havo harorati +37...+42 darajagacha, Qashqadaryo va Surxondaryo viloyatlarida esa +39...+44 darajagacha ko‘tarilishi kutilmoqda.
27-iyulga o‘tar kechasi va 27-iyul kuni kunduzi O‘zbekistonning Farg‘ona vodiysi viloyatlaridan boshqa barcha hududlarida kuchli shamol kuzatilishi, shamolning tezligi soniyasiga 20 metrgacha kuchayishi mumkin.
Ma’lumot uchun, 25-iyul kuni Samarqand va Termiz shaharlarida havo haroratining issiqligi bo‘yicha shu kun tarixidagi yangi rekordlar qayd etildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)