Тошкент шаҳридаги Турин политехника университети абитуриентларидан бири Ҳамиджон Эгамов кириш имтиҳони тест синовида мавжуд бўлган 100 баллдан 100 балл тўплади. Бу университет тарихида қайд этилган энг юқори натижа бўлди, деб университет матбуот хизмати «Дарё»га маълум қилди.
Мазкур университетга кириш имтиҳонлари Андижон шаҳрида (Фарғона водийси абитуриентлари учун) 27 июнь куни, Тошкент шаҳрида (қолган барча ҳудудлар учун) 11–12 июль кунлари бўлиб ўтди. Мавжуд бўлган 350 ўринга 1281 абитуриент онлайн рўйхатдан ўтди. Шулардан 1033 нафари ариза тақдим этди. Университет тақдим қилган ҳар бир ўрин учун 2,9 абитуриент тўғри келди.
Имтиҳон жараёнини кузатиш учун Италиядан 8 нафар масъул вакил ташриф буюрди.