Britaniya sudi marhum Boris Berezovskiyni pul to‘lashga qodir emas, deb topdi — qarzlarni to‘lash uchun uning o‘limidan so‘ng qolgan aktivlari va mol-mulki yetarli emas. Bu haqda “Gazeta.ru” xabar berdi.
Sud rossiyalik oligarxning boyligini bor-yo‘g‘i 34 million dollarga baholadi, bu Berezovskiyning barcha qarzdorliklari, jumladan, sud xarajatlari kabi ma’muriy sarf-xarajatlarni qoplash uchun yetmaydi.
“Ko‘chmas mulkka Berezovskiy yuz millionlab funt qarz olgan kreditorlar da’vogarlik qilayotgani uchun, Berezovskiyning barcha ko‘chmas mulki to‘lashga qodir emas deb topildi”, — dedi sudya Richard Arnold.
“Aeroflot” aviakompaniyasining sobiq bosh direktori Boris Berezovskiy 2013-yil 23-martda Buyuk Britaniyada o‘z joniga qasd qilgan. Huquqshunoslarning hisob-kitobiga ko‘ra, Berezovskiyning qarzlari uning o‘limi vaqtida 309 million funt (taxminan 483 million dollar)ni tashkil etgan.
Izoh (0)