Xitoyda ite’fodagi general Go Bosyun korrupsiya haqidagi ish bo‘yicha harbiy sud tomonidan umrbod qamoq jazosiga mahkum etildi, deya xabar bermoqda “Korrespondent.net” Xitoy davlat OAVlariga tayanib.
74 yoshli general pora olishda va xizmat amalini suiiste’mol qilishda aybdor deb topildi. Go Bosyun general unvonidan mahrum etildi, uning hisoblari esa muzlatildi.
2002—2012-yillarda Go Bosyun Xitoy Markaziy harbiy kengashi raisi o‘rinbosari vazifasini egallagan, shuningdek, Xitoy Kommunistik partiyasi Siyosiy byurosi a’zosi bo‘lgan.
General ustidan sud yopiq rejimda bo‘lib o‘tdi, u o‘g‘irlagan mablag‘ miqdori rasman ma’lum qilinmadi. Ba’zi OAVlar yozishicha, Go Bosyun qariyb 12,3 million dollarlik poralar uchun sudlangan.
Izoh (0)