Британия суди марҳум Борис Березовскийни пул тўлашга қодир эмас, деб топди — қарзларни тўлаш учун унинг ўлимидан сўнг қолган активлари ва мол-мулки етарли эмас. Бу ҳақда «Газета.ru» хабар берди.
Суд россиялик олигархнинг бойлигини бор-йўғи 34 миллион долларга баҳолади, бу Березовскийнинг барча қарздорликлари, жумладан, суд харажатлари каби маъмурий сарф-харажатларни қоплаш учун етмайди.
«Кўчмас мулкка Березовский юз миллионлаб фунт қарз олган кредиторлар даъвогарлик қилаётгани учун, Березовскийнинг барча кўчмас мулки тўлашга қодир эмас деб топилди», — деди судья Ричард Арнольд.
«Аэрофлот» авиакомпаниясининг собиқ бош директори Борис Березовский 2013 йил 23 мартда Буюк Британияда ўз жонига қасд қилган. Ҳуқуқшуносларнинг ҳисоб-китобига кўра, Березовскийнинг қарзлари унинг ўлими вақтида 309 миллион фунт (тахминан 483 миллион доллар)ни ташкил этган.
Изоҳ (0)