Liviyada xavfsizlik sohasidagi beqaror vaziyat tufayli 279 ming o‘quvchi maktabga bora olmaydi. Bu haqda BMT ma’ruzasiga tayanib, “TASS” xabar berdi.

“Liviya ta’lim vazirligi yaqinda e’lon qilgan statistik ma’lumotlar ta’lim tizimidagi xavotirli vaziyatni namoyon qildi, — deyiladi BMTning Gumanitar masalalar koordinatsiyasi bo‘yicha boshqarmasi ma’ruzasida. — Liviyadagi jami 558 ta maktab ishlaymaydi, natijada 279 ming o‘quvchi ta’lim olish imkoniyatiga ega emas”.

BMT tadqiqotlari natijalariga ko‘ra, ushbu maktablar “jangovar harakatlar natijasida qisman yoki to‘liq vayron bo‘lgani tufayli” yopilgan. “Bengazi kabi ba’zi shaharlarda maktab binolari ko‘chirilgan shaxslar uchun mo‘ljallangan markazlarga aylantirilgan, oqibatda o‘quvchilar o‘quv muassasalariga qatnash imkoniyatidan mahrum bo‘lgan”, — deyiladi hujjatda.