Tramp o‘z raqibi Klintonni reyting bo‘yicha ortda qoldirmoqda

AQSh prezidentligiga Respublikachilar partiyasidan nomzod Donald Tramp o‘z bo‘lajak raqibi Hillari Klintonni reyting bo‘yicha ortda qoldirmoqda, deb yozadi “Interfaks” o‘tkazilgan so‘nggi so‘rov natijalariga tayanib.

CNN so‘rovi yakunlariga ko‘ra, ayni paytda saylovchilarning 48 foizi Trampga, 45 foizi Klintonga ovoz berishga tayyor.

CBS telekanali o‘tkazgan boshqa so‘rov esa har ikkala nomzodning g‘oliblik uchun imkoniyatlari ayni paytda teng ekanligidan darak bermoqda — ularning har biriga so‘rov ishtirokchilarining 42 foizi ovoz berishga tayyor. Qolganlar Libertarianlar va Yashillar partiyalaridan nomzodlar Geri Jonson va Jill Staynni qo‘llab-quvvatladi.

CBS ta’kidlashicha, respublikachi milliarderning g‘alabasini AQSh prezidentining akasi Malik Obama ham yoqlab chiqdi. Demokrat sifatida, u noyabrdagi saylovlarda Tramp uchun ovoz berishini aytdi.