Туркия бош вазири Биноли Йилдирим президент гвардияси тарқатиб юборилишини маълум қилди. Бу ҳақда, маҳаллий NTV телеканалига таяниб, «ТАСС» хабар бермоқда.
«Президент гвардияси бўлмайди, бунга энди ҳожат йўқ», — таъкидлади сиёсатчи.
Бош вазирга кўра, тўнтаришга уринишдан сўнг қўлга олинганлар сони 13 минг кишидан ошди. Улардан 1329 нафари полициячи, 8831 нафари аскар, 2100 нафари судья, 689 нафари эса прокурордир. Айни пайтда давлат аппаратини тозалаш жараёни доирасида турли тузилмалардаги 45 мингга яқин давлат хизматчиси ишдан четлатилди.
Биноли Йилдирим мамлакатда эълон қилинган фавқулодда тартиб белгиланган 3 ойдан чўзилиши режалаштирилмаётгани, бироқ зарурат туғилган тақдирда бу масала кўриб чиқилишини билдирди.
Изоҳ (0)