Afg‘oniston poytaxtida sodir etilgan terakt oqibatida kamida 20 kishi halok bo‘ldi, 160 kishi jarohatlandi. Bu haqda “Interfaks” xabar bermoqda.
23-iyul, shanba kuni tushki payt “Ro‘shnoi” harakati norozilik namoyishi qatnashchilari chodirlari o‘rnatilgan Kobul markazidagi Dorilamon saroyi yaqinida portlash sodir bo‘ldi. Ayrim guvohlar uchta portlash sodir bo‘lgani, ulardan birini xudkush ayol amalga oshirganini aytmoqda.
Ma’lumot uchun, “Ro‘shnoi” harakati vakillari Turkmanistondan Kobulga tortiladigan elektr tarmog‘i Bomiyon va Vardak viloyatlari orqali o‘tishini talab qilmoqda. Afg‘oniston hukumati bir oy avval tarmoq Salang tog‘ yo‘li va Parvon viloyatidan o‘tishi haqida qaror qabul qilgandi.
Izoh (0)