AQSh prezidenti Barak Obama Germaniyaga Myunxenda yuz bergan otishmani tekshirishda istalgan zarur yordamni taklif etdi. Bu haqda “Interfaks” xabar bermoqda.
“Qo‘shma Shtatlar Myunxenda gunohsiz insonlar hayotini olib ketgan ehtimoliy terrorchilik hujumini keskin qoralaydi. Mazkur vahshiyona harakat oqibatida Yevropaning eng gavjum shaharlaridan biri markazida bir necha kishi o‘ldirildi va jarohatlandi. Barak Obama AQSh germaniyalik sheriklar bilan uzviy hamkorlik qilishi va tekshiruvni olib borish uchun istalgan yordam ko‘rsatilishini va’da qildi”, — deyiladi Oq uy saytida joylashtirilgan xabarda.
Oxirgi ma’lumotlarga ko‘ra, Myunxendagi otishma oqibatida 10 kishi halok bo‘ldi.