Koreya Respublikasi Yevroittifoqning KXDRni pul yuvishga qarshi kurashmaydigan (bu terrorizmni moliyalashtirish manbasi bo‘lib xizmat qilishi mumkin) mamlakatlar ro‘yxatiga kiritish qarorini qo‘llab-quvvatlaydi. Bu haqda mamlakat tashqi ishlar vazirligi rasmiy vakiliga tayanib, “TASS” xabar berdi.
“Bunday choralar Pxenyanning xalqaro moliya tizimiga yo‘lini yanada cheklash imkonini beradi”, — deya ta’kidladi diplomat.
KXDR Yevroittifoqning qora ro‘yxatiga 14-iyul kuni yana o‘nlab mamlakatlar bilan birga kiritildi. Unga, shuningdek, Eron, Afg‘oniston, Bosniya va Gersegovina, Fransiya Gvianasi, Iroq, Laos, Suriya, Uganda, Vanuatu va Yaman kirdi.
Izoh (0)