KXDR har qanday lahzada yangi yadro sinovini amalga oshirishi mumkin. Bu haqda 18-iyul, dushanba kuni Koreya Respublikasi birlashuv vazirligi rasmiy vakili Seuldagi brifingda ma’lum qildi, deb yozadi “TASS”.
“Shimoliy Koreya istagan paytda o‘z yetakchisi Kim Chen Indan tegishli buyruq olib, beshinchi atom sinovini o‘tkazishga to‘liq shay”, — dedi mansabdor. Uning ta’kidlashicha, shu munosabat bilan, Seul AQSh bilan yaqin hamkorlikda KXDR shimoli-g‘arbidagi Punge-ri uyezdida joylashgan poligondagi vaziyatni diqqat bilan nazorat qilmoqda.
Nashr eslatishicha, 17-iyul, yakshanba kuni Janubiy Koreya va Amerika razvedkasidagi manbalar ushbu hududdagi Shimoliy Koreya harbiylari keskin faollashganini ma’lum qilgan edi.
Izoh (0)