AQShning Baton-Ruj shahrida (Luiziana shtati) politsiyachilarga qarata o‘q uzildi. Bu haqda “Gazeta.ru” xabar bermoqda.
17-iyul, yakshanba kuni 19:00 atrofida uch nafar politsiyachi o‘qotar quroldan yaralangan. Ularning jarohati og‘ir bo‘lgani va hayotdan ko‘z yumgani bildirilmoqda. Hozirda zobitlarga o‘q uzgan shaxs qidirilmoqda. Politsiya otishma yuz bergan hududni qurshab olgan.
Eslatib o‘tamiz, oldinroq Dallasda besh nafar politsiya xodimi otib o‘ldirilgani haqida xabar berilgandi.
Izoh (0)