Sentabr oyida futzal bo‘yicha Kolumbiyada bo‘lib o‘tadigan Jahon chempionatida ishtirok etadigan O‘zbekiston terma jamoasi avgust oyida Qozog‘iston va Eron termalariga qarshi o‘rtoqlik o‘yinlari o‘tkazadi. Bu haqda “Championat.asia” xabar bermoqda.
Xose Mariya Mendez boshchiligidagi O‘zbekiston terma jamoasi avgust oyi boshida Qozog‘iston bilan ikkita o‘rtoqlik uchrashuvi o‘tkazadi. Qozog‘iston terma jamoasi ham Kolumbiyadagi mundialda ishtirok etadi. Ular Kosta-Rika, Argentina, Solomon orollari bilan bir guruhdan o‘rin olgan.
Bundan tashqari, o‘zbekistonlik futzalchilar avgust oyi oxirida Osiyoning 11 karra chempioni Eron terma jamoasi bilan o‘rtoqlik uchrashuvi o‘tkazishni rejalashtirishgan. Forslar fevral oyida Toshkentda o‘tgan Osiyo chempionati finalida O‘zbekiston terma jamoasini mag‘lub etgandi.
Eron Jahon chemiponatida Ispaniya, Marokash va Ozarbayjon bilan bir guruhdan joy olgan.
O‘zbekiston terma jamoasi esa Kolumbiyadagi mundialda “A” guruhida mezbon Kolumbiya, Portugaliya va Panama terma jamoalariga qarshi o‘ynaydi.
Kolumbiyadagi Jahon chempionati 10-sentabr kuni boshlanadi.
Izoh (0)