Kecha, 7-iyul kuni Toshkent shahrining Sirg‘ali tumanida Mercedes-Benz Conecto avtobusi yonib ketdi. Bu haqda Facebook’dagi “Voditeli Tashkenta” (Drivers.uz) guruhida fotoxabar qoldirildi.
Fotoxabar muallifining qayd etishicha, voqea 19:00 atrofida sodir bo‘lgan. Suratlarga qaraganda, yong‘in avtobusning orqa tarafida kelib chiqqan. Voqea joyiga tibbiyot xodimlari ham kelgan.
Hodisa natijasida jabrlanganlar haqida aniq ma’lumotlar yo‘q.
Ta’kidlash kerakki, iyun oyida ham Toshkent shahrining Oltin tepa ko‘chasida Mercedes-Benz Conecto avtobusi yonib ketgandi. O‘shanda ham yo‘lovchi tashuvchi transportning orqa qismidan alanga chiqqandi.
Izoh (0)