Кеча, 7 июль куни Тошкент шаҳрининг Сирғали туманида Mercedes-Benz Conecto автобуси ёниб кетди. Бу ҳақда Facebook’даги «Водители Ташкента» (Drivers.uz) гуруҳида фотохабар қолдирилди.
Фотохабар муаллифининг қайд этишича, воқеа 19:00 атрофида содир бўлган. Суратларга қараганда, ёнғин автобуснинг орқа тарафида келиб чиққан. Воқеа жойига тиббиёт ходимлари ҳам келган.
Ҳодиса натижасида жабрланганлар ҳақида аниқ маълумотлар йўқ.
Таъкидлаш керакки, июнь ойида ҳам Тошкент шаҳрининг Олтин тепа кўчасида Mercedes-Benz Conecto автобуси ёниб кетганди. Ўшанда ҳам йўловчи ташувчи транспортнинг орқа қисмидан аланга чиққанди.
Изоҳ (0)