Бразилия президенти лавозимидан вақтинчалик четлатилган Дилма Руссеф Рио-де-Жанейродаги Олимпиада ўйинлари очилишига таклиф қилинади, бироқ маросимни мамлакат собиқ раҳбарлари учун мўлжалланган трибунадан кузатади, деб ёзади «ТАСС» Globo газетасига таяниб.
Унинг маълумотларига кўра, Халқаро олимпия қўмитаси Олимпиада очилишига Бразилиянинг тўрт нафар собиқ президенти — Луис Инасиу Лула да Силва, Фернандо Энрике Кардозо, Фернандо Колор ди Мелу ва Жозе Сарнейни таклиф қилади.
Давлат раҳбари вазифасини вақтинчалик бажарувчи Мишель Темер Халқаро олимпия қўмитаси раҳбари Томас Бах билан тантанали маросимда бевосита иштирок этади. Темер учун «Маракана» стадионининг юқоридаги трибуналардан бири тайёрланади.
Изоҳ (0)