AQSh oziq-ovqat va dori-darmon sifati masalalari bo‘yicha boshqarmasi (FDA) C gepatiti virusining olti genotipiga qarshi kurasha oladigan yangi dori vositasidan foydalanishga ruxsat berdi. Gilead Sciences kompaniyasi tomonidan yaratilgan yangi dori “Epklusa” (Epclusa) nomini oldi, deb xabar bermoqda “TASS”.
FDA xulosasiga ko‘ra, yangi preparat C gepatitiga yo‘liqqanlar 95 foiz holatda tuzalishini kafolatlaydi. Davolash kursi — kuniga bittadan tabletka — uch oy davom etadi va boshqa preparat — “Ribavirin” kursi bilan birgalikda olib boriladi.
“Epklusa” juda qimmat preparat hisoblanadi. Uning bitta tabletkasi hozirda 890 dollarga baholanmoqda. Kurs ancha uzoq davom etishi inobatga olinsa, doridan juda tor doira vakillari foydalanishi mumkin bo‘ladi.
AQShda kamida 2,7 million kishi S gepatitiga yo‘liqqan.
Izoh (0)